چودہ اگست کی رات دس سالہ علی سویا تواُس نے خواب دیکھا۔پاکستان کا سبز ہلالی پرچم آسمان سے اُتر کر اُس کے سامنے آ کھڑا ہوا۔ پرچم بولا:
'' علی!میرے لیے کیا کرو گے؟''
علی کی آنکھیں نم ہوگئیں:
'' میں چھوٹا ہوں، وطن کے لیے کیا کر سکتا ہوں؟''
پرچم نے کہا:
'' سچ بولو، محنت سے پڑھو، کمزور کی مدد کرو اور صفائی رکھو، یہی وطن کی خدمت ہے۔''
علی نے وعدہ کیا اور پرچم کو چوم لیا۔ صبح خواب یاد آیا۔ کھڑکی سے لہراتے پرچم کو دیکھ کر دل سے بولا:
'' میں اپنا عہد ضرور نبھائوں گا۔''