سکول کے برآمدے میں افضل پریشان کھڑا تھا۔ کل انگلش کا پرچہ تھا اوراُس کی تیاری نہیں تھی:
ارشد نے کہا:
'' یار! اہم سوالات کے جواب پرچی پر لکھ کر لے جائو، کام بن جائے گا۔''
افضل نے تیکھی نظروں سے دیکھا ، غصے سے بولا:
'' آج دو نمبری سے اچھے نمبر لے بھی لیے تو مستقبل میں کیا کروں گا! ہر کام میں دو نمبری کرنے لگوں گا؟ تم اچھے دوست ہو؟ مجھے غلط راستے پر مت ڈالو، اپنا مشورہ اپنے پاس رکھو۔''
یہ کہہ کر افضل تیزی سے چل دیا۔
ارشد حیرت سے اُسے جاتے ہوئے دیکھنے لگا۔
