حمزہ ایک غریب گھرانے کا بچہ تھا۔ اس کے والد بہت محنت مزدوری کرتے تھے۔ وہ روز کام پر جاتے اور اتنے ہی پیسے لے کر آتے تھے کہ گھر کا گزر بسر ہو جاتا تھا۔
ایک دن حمزہ کے والد صبح کام پر جاتے ہوئے ایک مچھلی دے کر گئے اور کہا، "آج یہ مچھلی بنا لینا۔" یہ کہہ کر وہ کام پر چلے گئے۔
حمزہ کی امی نے مچھلی فریج سے نکالی اور اسے صاف کرنے لگیں۔ جب انہوں نے مچھلی کا پیٹ کاٹا تو اندر سے انہیں ایک چمکدار چیز نظر آئی۔ انہوں نے اسے باہر نکالا تو وہ ایک خوبصورت ہیرا تھا۔
حمزہ اور اس کی امی بہت حیران ہوئے۔ حمزہ نے فوراً کہا، "امی! یہ اللہ تعالیٰ کی طرف سے ہمارے لیے انعام ہے۔ ہمیں اللہ کا شکر ادا کرنا چاہیے۔"
حمزہ کی امی نے وہ ہیرا سنبھال کر رکھ لیا۔ کچھ دن بعد انہوں نے اسے بیچ دیا۔ اس کے ملنے والے پیسوں سے گھر کی ضروریات پوری ہوئیں اور ان کی پریشانیاں کم ہونے لگیں۔
حمزہ ہمیشہ ہر کام شروع کرنے سے پہلے بسم اللہ الرحمن الرحیم پڑھتا تھا۔ وہ جانتا تھا کہ ہر نعمت اللہ تعالیٰ کی طرف سے ملتی ہے۔
اب جب بھی حمزہ کوئی کام شروع کرتا، وہ بسم اللہ پڑھتا اور اللہ تعالیٰ کا شکر ادا کرتا۔